ఏ ల్యాబ్‌లో కెవ్వుమందో
ఈ మందు!
కంసుడికి చిన్ని కృష్ణుడిలా
హిరణ్యకశిపుడికి
ప్రహ్లాదుడిలా
భస్మాసురుడికి మోహినిలా
కరోనా రాక్షసికి టీకా మందు
మన ముందుకొచ్చింది!
మానవ జీవితాల్ని మరణ
మృదంగ ధ్వనితో
హోరెత్తించిన నిగూఢ
విలయానికి విరుగుడు
దొరికిందిప్పుడు!
యావత్‌ ప్రపంచాన్ని
మడుగులో దాగిన శివుడిలా
ఇళ్లలో మగ్గబెట్టిన
మృత్యు గీతానికి నిలువునా
కోత పడింది..
మనిషి అప్రతిహతంగా
సాగుతూ దీనితో పోరాడి
ఈ క్రీనీడలో చాతుర్యంగా
సంచరించడం అలవర్చు
కొన్నందుకు నేడు ఫలం దక్కింది!
కరోనాకు కంట నీరు రప్పించే
ఈ ఔషధాయుధంతోనైనా ఇన్నాళ్ళ
మృత్యు వికటాట్టహాసానికికనైనా
తెర పడుతుందని ఆశిద్దాం..!!
* భీమవరపు పురుషోత్తం, సెల్‌ : 99498 00253
