పరిహాసం ప్రజాస్వామ్యం
డెత్‌ బెడ్‌పై సమన్యాయం
డెమక్రసీ హైజాక్‌ ఖాయం
హాక్‌ అవుతున్న అధికారం
బోనులో శాంతి పావురం !
బంధీ అయ్యింది సుస్వరాజ్యం
నీతి నియమాలే బహుపూజ్యం
అధికారమే దోపిడీ మహాద్వారం
అతలాకుతలం మానవత్వం
సైబర్‌ తెరలే అక్రమాదాయం !
బంధుప్రీతికే పట్టాభిషేకాలు
డుబ్బులకే సకల నాటకాలు
ఉన్నోళ్లవే రాక్షస రాజ్యాలు
దొడ్డోళ్లకే అవినీతి ఫలాలు
కుబేరులకే లక్ష్మీ ప్రసన్నాలు !
పేదోడికే మెతుకు దూరాలు
బక్కోళ్లకే బతుకు భారాలు
కంచంలో కారం ముద్దలు
బడుగులకే ఆకలి రోగాలు
బోనులో సమన్యాయాలు !
రాజ్యాంగ కత్తులు నూరి..
అక్రమాల కలుపు మొక్కల్ని..
న్యాయదేవత సాక్షిగా నరికి..
పౌరసమాజ ప్రగతి కాంక్షించి..
ఆకలి రోగాన్ని చేద్దాం అంతం !
- డా: బుర్ర మధుసూదన్‌ రెడ్డి
9949700037
