ప్రజాశక్తి-నార్పల (అనంతపురం) : అనంతపురము జిల్లా నార్పల మండలం కేంద్రానికి చెందిన కవి, రచయిత, హిందీ ఉపాధ్యాయుడు, సామాజిక కార్యకర్త కవిరత్న, సత్య కవి బిరుదాంకితుడు వల్లెపు వేంకట సాయినాథ్‌కు నవభారత నిర్మాణ సంఘంవారు ప్రశంసా పత్రాన్ని అందజేశారు. మంగళవారం నిర్వహించిన కార్యక్రమంలో సంస్థ అధ్యక్షులు యస్‌.రవికుమార్‌ మాట్లాడుతూ ... జాతీయ స్థాయిలో నేతాజీ సుభాష్‌ చంద్రబోస్‌ జయంతి సందర్భంగా నిర్వహించిన '' దేశభక్తి- జాగృతి'' అనే అంశంపై నేతాజీ అనిర్వచనీయమైన సూక్తులను, ఆయన ప్రేరణను సాయినాథ్‌ తన పదునైన కవన భావజాలంతో రచించి నిర్వాహకులను మెప్పించారని తెలిపారు. ఈ సందర్భంగా ప్రశంసాపత్రం అందుకున్న సాయినాథ్‌ నవభారత నిర్మాణ సంఘం నిర్వాహకులకు ప్రత్యేక ధన్యవాదాలు తెలిపారు.
