ప్రజాశక్తి-అనంతపురం సిటీ : జిల్లా ఎస్పీ డాక్టర్‌ ఫక్కీరప్ప కాగినెల్లి ఆదేశాల మేరకు సోమవారం ఏ.ఆర్‌ అదనపు ఎస్పీ ఏ.హనుమంతు ఆధ్వర్యంలో స్థానిక పోలీసు పరేడ్‌ మైదానంలో ''రియల్‌ టైం ఈవెంట్స్‌ ఉచిత శిక్షణ'' కు నమోదు చేసుకున్న అభ్యర్థులకు ఎత్తు, బరువు, ఛాతీ ( పురుష అభ్యర్థులు) కొలిచారు. అనంతరం 100 మీటర్లు, 1600 మీటర్లు, లాంగ్‌ జంప్‌ ఈవెంట్స్‌ కు ఉచిత శిక్షణ నిర్వహించారు. ఈ కార్యక్రమంలో ఆర్‌ ఎస్‌ ఐ లు ప్రవీణ్‌ కుమార్‌, రమేష్‌ నాయక్‌, పురుషోత్తం, హెడ్‌ కానిస్టేబుల్‌ నాగేంద్ర, మంజుల, సుమారు 300 మంది కానిస్టేబుల్‌, ఉద్యోగ అభ్యర్థులు, తదితరులు పాల్గొన్నారు.
