ఏటేటా దసరా పండుగ వచ్చిందంటే టాలీవుడ్‌ బాక్సాఫీసు దగ్గర సందడి మామూలుగా ఉండదు. టాలీవుడ్‌ ఇండ్రస్టీలో స్టార్‌ హీరోలు తమ సినిమాలను దసరా పండుగ సందర్భంగా విడుదల చేయాలనే ఉద్దేశ్యంతో అందుకు అనుగుణంగా సినిమా షూటింగ్‌ను కూడా నిర్వహిస్తుంటారు. అనేక సినిమాలను దసరాకు విడుదలచేస్తుంటారు. గతేడాది దసరాకు రవితేజ హీరోగా సుధీర్‌ వర్మ దర్శకత్వంలో రావణాసుర, మణిరత్నం దర్శకత్వంలో చియన్‌ విక్రమ్‌, కార్తీ, జయం రవి, ఐశ్వర్యరారు, త్రిష ప్రధాన పాత్రల్లో నటించిన చిత్రం పొన్నియన్‌ సెల్వన్‌, చిరంజీవి హీరోగా మోహన్‌రాజా దర్శకత్వంలో గాడ్‌ఫాదర్‌, నాగార్జున హీరోగా, సోనాల్‌చౌహాన్‌ హీరోయిన్‌గా ప్రవీణ్‌సత్తారు దర్శకత్వంలో దీ ఘోస్ట్‌ సినిమా విడుదలైన విషయం తెలిసిందే. గతేడాది సంక్రాంతి సమయంలో చిరంజీవీ వాల్తేరు వీరయ్య, బాలకృష్ణ వీరసింహారెడ్డి పోటీ పడ్డాయి. అదే సమయంలో తమిళం నుంచి దళపతి విజరు వారిసు, అజిత్‌ నటించిన తునీవు విడుదలయ్యాయి. ఈ ఏడాది దసరా పండగ ఉత్సవాలు ఈనెల 15 నుంచి 25 వరకూ జరగబోతున్నాయి. అయితే బాక్సాఫీసును గడగడలాడించేందుకు హీరోలు సిద్ధమవుతున్నారు. సాధారణంగా పండుగల సమయంలో భారీ బడ్జెట్‌ సినిమాలు విడుదలవుతాయి. స్టార్‌ ఆర్టిస్టుల సినిమాలు చూసేందుకు పెద్ద సంఖ్యలో ప్రేక్షకులు వస్తుంటారు. దీంతో సినిమా వసూళ్లు పెరుగుతాయి. చాలామంది నిర్మాతలు ఈ దసరా పండుగపై కన్నేశారు. సినీ ప్రేక్షకులకు మంచి ట్రీట్‌ రానుంది. కన్నడ, తెలుగు, తమిళ భాషల్లో భారీ బడ్జెట్‌ చిత్రాలు విడుదలవుతున్నాయి.
ఈ సీజన్‌లో పెద్ద సినిమాల హీరోల చిత్రాలు పోటీపడుతున్నాయి. తొమ్మిది సినిమాలు ఈ సీజన్‌లో విడుదల కానున్నాయి. వాటిలో నందమూరి బాలకృష్ణ 'భగవంత్‌ కేసరి' (తెలుగు), రవితేజ 'టైగర్‌ నాగేశ్వరరావు' (తెలుగు), విజరు 'లియో'(తమిళం), ష్రాఫ్‌ గణపత్‌ (హిందీ), కంగనా రనౌత్‌ 'తేజస్‌' (హిందీ), శివ రాజ్‌కుమార్‌ 'ఘోస్ట్‌' (కన్నడ), 'యారియాన్‌-2', 'కిల్లర్స్‌ ఆఫ్‌ ది ఫ్లవర్‌ మూన్‌' వంటి చిత్రాలు ఉన్నాయి. ఈ సినిమాలన్నీ ఈ నెల 18 లేదా 19 తేదీల్లో థియేటర్లలో సందడి చేయనున్నాయి. ఇక తెలుగు, తమిళ బాక్సాఫీస్‌ వచ్చేసరికి. 'భగవంత్‌ కేసరి', 'టైగర్‌ నాగేశ్వరరావు', 'లియో' సినిమాలపై ప్రేక్షకులు ఆసక్తి కనబరుస్తున్నారు. ఇప్పటికే రిలీజైన పోస్టర్లు, ట్రైలర్లతో ఈ సినిమాపై అంచనాలు అమాంతం పెరిగిపోయాయి. దీంతో అభిమానుల్లో తీవ్ర ఉత్కంఠ నెలకొంది. అందుకే ఈ సారి టాలీవుడ్‌లో బాలయ్య, రవితేజ, విజరుల మధ్య పోటీ ఉండనుంది. అయితే కోలీవుడ్‌లో మాత్రం లియోదే సందడి ఉంటుంది. ఇక కన్నడలో 'ఘోస్ట్‌'?, బాలీవుడ్‌లో 'గణ్‌పత్‌'కు కూడా మంచి క్రేజ్‌ ఉంది. మొత్తంగా ఇన్ని పెద్ద, చిన్న చిత్రాలన్నీ ఒకే సారి వచ్చేందుకు సిద్ధమవ్వడం వల్ల థియేటర్ల సమస్య వచ్చే అవకాశం ఉందనే చర్చ సినీ పరిశ్రమలో వినిపిస్తుంది. ఈకాలంలోని సినిమాలన్నీ దసరాకే సిద్ధమవుతుండటంతో వెల్లువ ఎలా ఉండనుందో అంటూ అభిమానులు ఆతృతగా ఎదురు చూస్తున్నారు.
భగవంత్‌కేసరి : బాలకృష్ణ హీరోగా డైరెక్టర్‌ అనిల్‌ రావిపూడి దర్శకత్వంలో, ప్రముఖ నిర్మాణ సంస్థ షైన్‌ స్క్రీన్స్‌ బ్యానర్‌లో రూపుదిద్దుకున్న సినిమా భగవంత్‌కేసరి..కాజల్‌ అగర్వాల్‌ హీరోయిన్‌గా నటిస్తుండగా శ్రీలీల కీలక పాత్ర పోషిస్తున్నారు. ఈనెల 19న ఈ సినిమా విడుదల కానుంది.
'లియో': కోలీవుడ్‌ హీరో విజయ్ నటించిన 'లియో'. ఈనెల 19న విడుదల కానున్న నేపథ్యంలో రోజుకు ఐదు ఆటలు ప్రదర్శించుకునేందుకు తమిళనాడు ప్రభుత్వం అనుమతిచ్చింది. ఈనెల 19 నుంచి 24వ తేదీ వరకు ఐదు ఆటలు ప్రదర్శించుకునే వెసులుబాటును కల్పించింది. ఈనెల 19 నుంచి 24వ తేదీ వరకు ఐదు ఆటలు ప్రదర్శించుకునే వెసులుబాటును కల్పించింది.
టైగర్‌ నాగేశ్వరరావు : హీరోగా రవితేజ, హీరోయిన్లుగా నుపుర్‌ సనన్‌, గాయత్రి భరద్వాజ్‌ నటిస్తున్న సినిమా 'టైగర్‌ నాగేశ్వరరావు'. అక్టోబరు 20న భారత దేశ వ్యాప్తంగా విడుదల కానున్నట్లుగా చిత్రనిర్మాతలు ప్రకటించారు. జివి ప్రకాష్‌ కుమార్‌ సంగీతం అందిస్తున్నారు. రచన, దర్శకత్వం వంశీ, నిర్మాత అభిషేక్‌ అగర్వాల్‌, సహ నిర్మాతగా మయాంక్‌ సింఘానియా వ్యవహరిస్తున్నారు.
'ఘోస్ట్‌' : డాక్టర్‌ శివరాజ్‌ కుమార్‌ హీరోగా రూపొందుతోన్న చిత్రం ఘోస్ట్‌. దర్శకుడు శ్రీని, నిర్మాత సందేశ్‌ నాగరాజ్‌. సందేశ్‌ ప్రొడక్షన్స్‌ బ్యానర్‌ పై ఈ చిత్రాన్ని నిర్మిస్తున్నారు. 19న దసరా కానుకగా కన్నడ, తెలుగు, తమిళ, హిందీ, మలయాళం భాషల్లో భారీ స్థాయిలో విడుదల చేయనున్నారు. ప్రముఖ నటులు అనుపమ్‌ ఖేర్‌, జయరామ్‌, ప్రశాంత్‌ నారాయణ్‌, అర్చన జాయిస్‌, సత్య ప్రకాష్‌, దత్తన్న ప్రధాన పాత్రల్లో నటిస్తున్నారు.
