ప్రజాశక్తి-చీరాల(బాపట్ల) : టిడిపి జాతీయ అధ్యక్షులు మాజీ ముఖ్యమంత్రి నారా చంద్రబాబు నాయుడు అక్రమ అరెస్టును రాష్ట్ర ప్రజలు అందరు ఖండిస్తున్నారని పొన్నూరు మాజీ మున్సిపల్‌ చైర్మన్‌, చీరాల నియోజకవర్గ టిడిపి సీనియర్‌ మహిళా నాయకురాలు డాక్టర్‌ సజ్జ హేమలత అన్నారు. సోమవారం ఆమె చంద్రబాబు నాయుడు సతీమణి భువనేశ్వరిని రాజమండ్రిలో మర్యాద పూర్వకంగా కలసి సంఘీభావం తెలియచేశారు. రాష్ట్ర ప్రజలు అందరూ చంద్రబాబు వెంట ఉన్నారని కడిగిన ముత్యంలా బాబు బయటకి వస్తారంటూ ప్రజలు ఎదురుచూస్తున్నారని అన్నారు. వైసిపి అరాచక పాలనకు నిదర్శనమే చంద్రబాబు అక్రమ అరెస్టు అని రాబోయే ఎన్నికల్లో ప్రజలు బుద్ధి చెప్పేందుకు సిద్ధంగా ఉన్నట్లు ఆమె తెలిపారు.
