విశాఖ : చెట్టును బైక్‌ ఢీకొట్టడంతో భార్యాభర్తలు మృతి చెందగా, చిన్నారికి తీవ్రగాయాలైన ఘటన సోమవారం ఉదయం విశాఖలో జరిగింది.
విశాఖ సాగర్‌ నగర్‌ బీచ్‌ రోడ్‌ సమీపంలో ఉన్న చెట్టును మితిమీరిన వేగంతో బైక్‌ ఢీకొట్టడంతో భార్యాభర్తలు మృతి చెందారు. వారి మూడేళ్ల పాపకు తీవ్రగాయాలయ్యాయి. ఘటనా స్థలానికి పోలీసులు చేరుకున్నారు. మృతులు భోగాపురం మండలం కొండరాజుపాలెంకి చెందిన భార్యాభర్తలు మైలపల్లి పెద్దయ్య, పావనిలుగా గుర్తించారు. ఈ ప్రమాదంలో భర్త అక్కడికక్కడే మృతి చెందగా, భార్య గీతం ఆసుపత్రిలో చికిత్స పొందుతూ మృతి చెందారు. మూడు సంవత్సరాల పాపకు తీవ్రగాయాలయ్యాయి. సంఘటనా స్థలానికి ఆరిలోవ పోలీసులు చేరుకున్నారు. మృతదేహాల్ని కేజీహెచ్‌కు పోస్టుమార్టం నిమిత్తం మార్చురీకి తరలించారు. ఘటనపై పోలీసులు కేసు నమోదు చేసి దర్యాప్తు చేపట్టారు.
