రాజ్యంపై రైతు పోరు

ఆయుఒక్కటే మిగిలింది
అటో యిటో తేల్చుకుందాం
రేపటి వరకు ఆగొద్దు
జమై కదులుదాం ఈపొద్దు
రైతులారా ఏకమవుదాం
రాజ్యం తీరును నిరసిద్దాం

బడా కంపెనీల
బానిస రాజ్యమిది
బిల్లులతో ఆంక్షల ఉరిపెట్టి
రైతు ఆకాంక్షల చంపి
దేశానికి అన్నం పెట్టే
యవుసాన్ని కుదువబెట్టింది

చెప్పిన పంటే పండాలని
నేలను శాసిస్తున్నది
చెప్పిన రేటుకే కొంటానని
రైతును బెదిరిస్తున్నది
కార్పొరేట్లకు దాచుకొను
జాగను మిగిలిస్తున్నది
ఎక్కడైనా అమ్ముకునే
అనుమతినిస్తున్నది
అగ్రిమెంట్లు జేసుకునే
అధికారాలిస్తున్నది
నేలకు రైతుకు
బంధం తెగ్గోస్తున్నది

రైతు వ్యతిరేక రాజ్యమిది
భ్రమలు మనకొద్దు
బరిగీసే సమయమిది
బాధ పడొద్దు
ఏ ఒక్కరూ చావొద్దు
ప్రాణమొక్కటే ప్రాణంతో ఉంది
పోరాటమొక్కటే
ప్రాణాలను నిలబెడ్తుంది
రైతులారా ఏకమవుదాం
రాజ్యం తీరుని ప్రతిఘటిద్దాం
- అమృతరాజ్‌
95095094032