దాని కన్ను
యాడ పడితే ఆడ నాశనమే!
దానంత అజ్జకారిది లేదు!
దాని పోకడే అంత!
దాని కళ్ళల్లో
బరిసెలు దించేదాకా
మారణహోమం ఆగదు!
పచ్చని చెట్టు
చెట్టుపై పక్షి
గలగల పారే ఏరు
ఏట్లో చేపలు
భూమి లోపల దాగివున్న ఖనిజం సైతం మసే!!
నూరేళ్ళ ఆయుష్షు గల మనిషిని సైతం
చంపేయగల విద్య
దానికి వెన్నతో పెట్టినదే!
సందేహం వలదు!!
వంద శాతం లాభం వుంటే!!
అది ఎల్లలు ఎరుగదు
ఎరిగిందల్లా దాని మనుగడ
రక్తపుటేరులు పారించైనా!!
మైదానాలు కొల్లగొట్టి..
కానల వైపు ! కొండల వైపు!!
కానలలోని పులులూ సింహాలు సైతం వణుకు!!
మనిషి హక్కుల హరించగా
కదులు కరాళ నృత్యం చేస్తూ
రాజ్యం అండగా
ఈశాన్యాన్ని సైతం వదలక
ప్రకృతి విధ్వంసం!!
జాతుల ఊచకోత!!
ఒలిచి వేయబడ్డ బట్టలు!
దిగంబర పెరేడ్‌లు!!
రాళ్ళు, సుత్తులు, గ్రానైట్‌లతో మోది హత్యలు!!
దానికి దాసోహం!
అదే పెట్టుబడి!!
ఇదీ నేటి వ్యవస్థ!!
- గిరిప్రసాద్‌ చెలమల్లు
9493388201
