వరుణ్‌ తేజ్‌- లావణ్య త్రిపాఠిల వివాహం బుధవారం ఇటలీలో జరగనుంది. పెళ్లి వేడుకలో భాగంగా ఏర్పాటు చేసిన విందులో పలువురు సినీ హీరోలు, హీరోయిన్లు హాజరయ్యారు. ఈ పార్టీకి రామ్‌ చరణ్‌-ఉపాసన, అల్లు అర్జున్‌-స్నేహ హాజరయ్యారు. పెళ్లి వేడుక కోసం మెగా, అల్లు కుటుంబాలు ఇటలీ చేరుకున్నాయి. హీరో నితిన్‌, కాస్ట్యూమ్‌ డిజైనర్‌ నీరజ కోన అక్కడకు చేరుకున్నారు. నవంబర్‌ 5న మాదాపూర్‌ ఎన్‌-కన్వెన్షన్‌ వేదికగా రిసెప్షన్‌ జరగనుంది. ఇక వరుణ్‌తేజ్‌, లావణ్య త్రిపాఠి కలిసి 'మిస్టర్‌', 'అంతరిక్షం' చిత్రాల్లో నటించిన విషయం తెలిసిందే. ఈ సినిమా షూటింగ్‌ సమయంలోనే వీరిద్దరి మధ్య ప్రేమ చిగురించింది.
