వందేమాతరం

ఊపిరినిండా
జాతీయ జెండా
ఉచ్ఛ్వాసనిశ్వాసం అంతా
వందేమాతరం
ఎన్నికలల సాకారం ఈ స్వేచ్ఛ
ఎన్ని ఉద్యమాల సమాహారం
ఈ స్వతంత్రం
ఎన్ని ఆత్మార్పణల పూరణం
ఈ సంతోష తోరణం
తరతరాలు ఏ పొచ్చాలు
లేకుండా బతకాలి
ఏ విభేదాలు రాకుండా బతకాలి
తల ఎత్తుకు బతకాలి
ఎంతో ఎత్తుకు ఎదగాలి
స్వేచ్ఛావాయు సంచారంలో
విజ్ఞాన శక్తులు కదలాలి
మళ్ళీ కారుమేఘం
తాకకుండా కాంతిని నిలపాలి
పచ్చని కొమ్మలపై
వాలిన పిట్టలు
శాంతి గీతాలు పాడాలి
ఇదే నా భారతం
ఇదే నా పుస్తకం
ఇదే నా జీవితం అంటూ
ముందుకు సాగాలి
కోట్ల పాదాలతో
కోట్ల చేతులతో
కోట్ల నయనాలతో
కోట్ల శిరస్సులతో
వందేమాతరం
ముందే- మా- తరం

మంకుశ్రీను
8985990215