నాగార్జున నటిస్తున్న లేటెస్ట్‌ చిత్రం 'నా సామి రంగ'. విజయ్ బిన్ని దర్శకత్వంలో రాబోతున్న ఈ చిత్రంలో ప్రస్తుతం మ్యూజిక్‌ సెట్టింగ్స్‌ జరుగుతున్నాయి. ఆర్‌ఆర్‌ఆర్‌ తరువాత ఎంఎం కీరవాణి, చంద్రబోస్‌ ఈ సినిమా కోసం మళ్లీ కలిసి పనిచేయబోతున్నారు. ఈ ఇద్దరి కాంబోలో ఓ పాట రెడీ అవుతుందని సమాచారం. ఈ విషయాన్ని తెలియజేస్తూ నాగార్జున, కీరవాణితో కలిసి దిగిన ఫొటోను చంద్రబోస్‌ సోషల్‌మీడియాలో షేర్‌ చేశారు. ఈ చిత్రాన్ని 2024 సంక్రాంతి కానుకగా విడుదల చేస్తున్నారు. శ్రీనివాస సిల్వర్‌ స్క్రీన్‌ బ్యానర్‌పై శ్రీనివాసా చిట్టూరి ఈ చిత్రాన్ని నిర్మిస్తున్నారు. పవన్‌ కుమార్‌ సమర్పణలో వస్తున్న ఈ చిత్రానికి ప్రసన్న కుమార్‌ బెజవాడ కథ అందిస్తున్నారు. కొరియోగ్రాఫర్‌ విజయ్ బిన్ని ఈ సినిమాతో డైరెక్టర్‌గా పరిచయం అవుతున్నారు.
