ప్రేమ గుణం

సత్యం ఆరిపోని అగ్ని కణం
సమయం ఆగిపోని ఉదయం
జీవితం నిత్య నవ యవ్వనం
స్నేహం మనసుకు నిత్యోల్లాసం

బంధం బాధ్యతల అనుబంధం
త్యాగం ఆత్మ తృప్తికి సాధనం
అసత్యం అంధకార బంధురం
భయం జీవితానికి పెనుభారం

సాహసం గెలుపుకు సోపానం
సందేహం ఓటమికి కారణం
మోసం స్వయంకృతాపరాధం
అబద్ధం అన్నిట్లోకెల్ల అధమం

అభయం ఆనందానికి మూలం
ధర్మం నిస్వార్థ నిరతికి నిదర్శనం
దానం ధరిత్రిలో ఉన్నత గుణం
ప్రేమ గుణం.. విశ్వ కళ్యాణమయం

మిత్రత్వం నీ చెలిమిని చూపే అద్దం
భాతృత్వం నీ ప్రేమను కొలిచే రూపం
బంధుత్వం నీ బతుకును తెలిపే నిజం
మానవత్వం నీ ఉనికిని చాటే చుట్టం
- బిటవరం శ్రీమన్నారాయణ
9553778800