'ఆర్‌ఎక్స్‌ 100', 'మహాసముద్రం' చిత్రాల తర్వాత అజయ్ భూపతి దర్శకత్వం వహించిన సినిమా 'మంగళవారం'. ఈ చిత్రంలో తరుణ్‌ భాస్కర్‌ ఓ ప్రత్యేక గీతం చేశారు. గణేష్‌ ఎ రాసిన ఈ పాటను రాహుల్‌ సిప్లిగంజ్‌ ఆలపించారు. శుక్రవారం ఈ పాట లిరికల్‌ వీడియో విడుదల చేశారు. 'తరుణ్‌ భాస్కర్‌ ఈ సాంగ్‌ చేయడం ఓ స్పెషల్‌ అయితే... మాస్‌ గెటప్‌, లుంగీలో డాన్స్‌ చేయడం మరో స్పెషల్‌. కోనసీమలోని ఓ పల్లెటూరిలో ఈ పాటను చిత్రీకరించారు. సినిమాలోని ఓ మంచి సందర్భంలో ఈ పాట వస్తుంది. అందరికీ నచ్చే చిత్రమిది' అని దర్శకుడు అజరు చిత్ర విశేషాలు చెప్పారు. పాయల్‌ రాజ్‌పుత్‌, 'రంగం' ఫేమ్‌ అజ్మల్‌ అమీర్‌ ఈ సినిమాలో హీరోహీరోయిన్లుగా నటించారు. ముద్ర మీడియా వర్క్స్‌ పతాకంపై స్వాతి రెడ్డి గునుపాటి, సురేష్‌ వర్మ సంయుక్తంగా ఈ చిత్రాన్ని నిర్మిస్తున్నారు.
