గ్లోబెల్‌ బ్రాండ్‌ అంబాసిడర్లు
అసుర వారసత్వ ఆనవాళ్లు
అబద్దాలకు నికార్సు నకళ్లు
అవే సోషల్‌ మీడియా రోగ్స్‌
అసత్య ప్రచార గొర్రె మెదళ్లు
అసభ్యతకు జైకొట్టే వెర్రినోళ్లు
అనాగరికపు చేష్టల కొర్రీమళ్లు
అవే సమాజానికి సోకిన తెగుళ్లు
సామాజిక మాధ్యమం దన్నుగా
విద్వేష విషాన్ని వెళ్లగక్కుతారు
దేశభక్తి ముసుగు వేసుకుని
నికృష్టపు ట్రోలింగ్‌ సాగిస్తారు
యదార్థాలను సమాధి చేసి
వదంతుల ప్రచారం చేస్తారు
తమకు గిట్టని వ్యక్తుల పట్ల
తిట్ల దండకానికి దిగుతారు
అక్రమ సంబంధాల అంటగట్టి
వికృత సందేశాల్ని సంధిస్తారు
గుట్టు కార్యాలను చిత్రించి
నేటిజన్ల మీదకు గుప్పిస్తారు
గాలి కబుర్లు శ్వాసిస్తారు
బూతు పదాల భుజిస్తారు
హేట్‌ న్యూస్‌ స్రవిస్తారు
ఫెకింగ్‌ పిక్టర్స్‌ ప్రదర్శిస్తారు
అడ్రస్‌ లేని కీడు క్రిములు
అక్రమ సంతాన ముద్రలు
ఈ చీడల దండుల కడతేరిస్తేనే
ఈ తెగుళ్ళ వేళ్ళు తెగనరికితేనే
సోషల్‌ మీడియా అస్తిత్వం సుస్థిరం
సామాజిక విలువలు సదా విరచితం
- కోడిగూటి తిరుపతి
95739 29493
