'గుప్పెడంత మనసు' సీరియల్‌ నటుడు ముఖేష్‌ గౌడ్‌ హీరోగా 'గీతా శంకరం' సినిమా తెరకెక్కుతోంది. ఎస్‌ఎన్‌ఎంజి ప్రొడక్షన్స్‌ బ్యానర్‌ పై ముఖేష్‌ గౌడ, ప్రియాంక శర్మ జంటగా కొత్త దర్శకుడు రుద్ర దర్శకత్వంలో కే దేవానంద్‌ నిర్మిస్తున్న చిత్రం ఇది. ప్రస్తుతం షూటింగ్‌ దశలో ఉన్న ఈ చిత్రం ఫస్ట్‌ లుక్‌ని శుక్రవారం విడుదల చేశారు. 'ఈ దీపావళి కానుకగా నేను నటిస్తున్న తొలి సినిమా ఫస్ట్‌ లుక్‌ విడుదలవ్వడం చాలా సంతోషంగా ఉంది. సీరియల్‌లో ఎలా మంచి పేరు తెచ్చుకున్నానో ఈ సినిమాతో వెండితెరపై కూడా అలాగే పేరు తెచ్చుకుంటాన'ని ముఖేష్‌ గౌడ్‌ ఈ సందర్భంగా మాట్లాడారు.
