హీరోయిన్‌ రష్మిక మార్ఫింగ్‌ వీడియోపై నటుడు నాగచైతన్య ఆందోళన వ్యక్తంచేశారు. 'టెక్నాలజీని ఇలా దుర్వినియోగం చేయడం చూస్తుంటే ఎంతో నిరుత్సాహం కలుగుతోంది. భవిష్యత్తులో రాబోయే మార్పులను తలచుకుంటే మరింత భయమేస్తోంది. బాధితులకు రక్షణ కల్పించేలా చర్యలు తీసుకోవాలి. కొత్త చట్టాన్ని తీసుకురావాలి' అని తన సామాజిక మాధ్యమ ఖాతాలో ఆయన పోస్టు పెట్టారు. రష్మికకు ధైర్యం చెప్పారు. ఈ పోస్ట్‌కు రష్మిక స్పందిస్తూ థ్యాంక్యూ అని పోస్టు చేశారు. గాయని చిన్మయి కూడా ఈ వీడియోపై పోస్ట్‌ పెట్టారు. ఇలాంటివి చాలా ప్రమాదకరమన్నారు. దేశవ్యాప్తంగా ఇలాంటి ఫేక్‌ వీడియోలను అరికట్టాలని కోరారు. భారాస ఎమ్మెల్సీ కల్వకుంట్ల కవిత కూడా ఖండించారు.
