కాజల్‌ అగర్వాల్‌ నటిస్తున్న తాజా చిత్రం 'సత్యభామ'. సుమన్‌ చిక్కాల దర్శకత్వంలో వస్తున్న ఈ సినిమాని అవురమ్‌ ఆర్ట్స్‌ పతాకంపై బాబీ తిక్క, శ్రీనివాసరావు తక్కలపల్లి నిర్మిస్తున్నారు. మేజర్‌ చిత్ర దర్శకుడు శశికిరణ్‌ తిక్క సమర్పకులుగా వ్యవహరిస్తూ స్క్రీన్‌ప్లే అందించారు. తాజాగా ఈ చిత్రం నుండి టీజర్‌ను విడుదలచేశారు. హత్యకు గురైన ఓ యువతిని రక్షించే క్రమంలో ఆమె ప్రాణాలు కాపాడలేకపోతుంది పోలీస్‌ ఆఫీసర్‌ సత్యభామ. ఆ తరువాత అమాయకురాలైన ఆ యువతిని చంపిన హంతకుల వేట మొదలుపెడుతుంది. ఆ హంతకులను చట్టం ముందు నిలబెట్టిందా లేదా అనే అంశాలతో టీజర్‌ని ముగించారు.
