'బేబీ' చిత్రాన్ని తెరకెక్కించిన సాయి రాజేష్‌ నిర్మాతగా తన కొత్త చిత్రం ప్రారంభించారు. సంతోష్‌ శోభన్‌, అలేక్య హారిక (హీరోయిన్‌గా అరంగేట్రం చేస్తోంది) ప్రధాన పాత్రల్లో నటిస్తున్న ఈ చిత్రం సోమవారం ప్రారంభమైంది. నాగ చైతన్య ఈ కార్యక్రమానికి విచ్చేసి టీమ్‌కి శుభాకాంక్షలు తెలిపారు. సుమన్‌ పాతూరి దర్శకత్వం వహించిన ఈ చిత్రం ప్రేమకథ అని తెలుస్తోంది. మాస్‌ మూవీ మేకర్స్‌, అమృత ప్రొడక్షన్స్‌పై ఎస్‌కెఎన్‌, సాయి రాజేష్‌ సంయుక్తంగా ఈ చిత్రాన్ని నిర్మిస్తున్నారు. ఈ సినిమా గురించి మరిన్ని వివరాలు త్వరలో వెల్లడి కానున్నాయి.
