వేయి ఓటములు నాకివ్వు
అజేయమైన విజయమాల నీకందిస్తాను
కొన్ని శిశిరాలు నాకివ్వు
కోటి వసంతాలు నీ ముంగిట కుమ్మరిస్తాను !
ఈ వాన వెలిసిపోయేదాకా ఓపికపట్టు..
ఏడురంగుల ఉయ్యాలలో నిన్నూపుతాను
ఈ రేయీ చీకటినదిని యీదుకు రా ..
రేపటి వేకువచెట్టుకు పూసిన వెలుగుపూలను
నీ మునివాకిట కుప్పవోస్తాను !
కాస్త తెగువనీ ..
యింకాస్త ధైర్యాన్నీ నాకివ్వు ..
అనంతమైన స్వేచ్ఛను నీకందిస్తాను
ఆ విప్పపూల చెట్లసిగన దాచిన
విల్లమ్ములు నాకివ్వు ..
రెల్లు పూలగుత్తిలాంటి
శాంతిని నీకు చూపిస్తాను !!
సిరికి స్వామినాయుడు
94940 10330
