స్టూడియో గ్రీన్‌ పతాకంపై జీవీ ప్రకాశ్‌ కుమార్‌ హీరోగా 'రెబల్‌' చిత్రం తెరకెక్కుతోందన్నది తెలిసిందే. కే.జి.జ్ఞానవేల్‌ ఈ చిత్రాన్ని నిర్మిస్తున్నారు. తాజాగా ఈ చిత్రం నుండి టీజర్‌ విడుదలైంది. ఈ చిత్రంలో మమిత బైజు హీరోయిన్‌గా నటిస్తున్నారు. కరుణాస్‌, సుబ్రమణి శివ, షాలు రహీం తదితరులు ఇతర పాత్రలు చేస్తున్నారు. జీవీ ప్రకాష్‌ కుమార్‌ హీరోగా నటిస్తూనే సంగీతం కూడా అందిస్తున్నాడు. ప్రస్తుతం ఈ చిత్రం షూటింగ్‌ పూర్తిచేసుకుని నిర్మాణాంతర కార్యక్రమాల్లో ఉంది. హీరో సూర్య ఈ చిత్ర టీజర్‌ రిలీజ్‌ చేశారు. పోలీస్‌ స్టేషన్‌ బయట ఓ ఫైట్‌ సీన్‌ను ఈ టీజర్‌లో చూపించారు. త్వరలో విడుదల తేదీ ప్రకటించనున్నారు.
