- జిల్లా ఫారెస్ట్‌ అధికారి కార్యాలయం ఎదుట ధర్నా
ప్రజాశక్తి-విజయనగరం టౌన్‌ : బాడంగి మండలములో ఉన్న ఆకులకట్ట అటవీ ప్రాంతంలో ఉన్న గిరినజనులకు అటవీ శాఖ అధికారులు నుంచి రక్షణ కల్పించాలని బాడంగి మండలం సిపిఎం కన్వీనర్‌ ఏ.సురేష్‌ డిమాండ్‌ చేశారు. మంగళవారం జిల్లా అటవీ శాఖ కార్యాలయం ఎదుట గిరిజనులతో కలిసి ధర్నా నిర్వహించారు. ఈ ధర్నాను ఉద్దేశించి ఆయన మాట్లాడుతూ.. ఆకులకట్టా ప్రాంతంలో అనేక గిరిజన కుటుంబాలు జీవిస్తున్నాయన్నారు. నాలుగు నెలలు క్రితం నివాసాలు కోసం వేసుకున్న పాకలను అటవీ శాఖ అధికారులు వచ్చి ద్వంశం చేసి అనేక ఇబ్బందులకు గురి చేయడం జరిగిందన్నారు. అదే ప్రాంతంలో అటవీ భూమిని కొంతమంది గిరిజినేతర పెత్తందార్లు సాగు చేసుకుంటున్న వారిపై ఎటువంటి చర్యలు అటవీ శాఖ అధికారులు తీసుకోవడం లేదన్నారు. అమాయకులైన గిరిజనులు మీధ దౌర్జన్యం చేసి దాడి చేయడం, పాకలు తొలగించడం అన్యాయమన్నారు. గిరిజనులకు జీవనాధారం కల్పించాలని.. వారిని ప్రతి రోజు బెదిరింపులకు గురిచేస్తున్న అటవీ శాఖ అధికారులు నుంచి రక్షణ కల్పించాలని కోరారు. ఈ ధర్నాలో గిరిజన నాయకులు కామయ్య,
గిరిజనులు పాల్గొన్నారు.
