ప్రజాశక్తి-విజయనగరం కోట : మానవాళి మనుగడ కోసం మొక్కలు పెంచాలని డిసిసి అధ్యక్షులు సరిగడ రమేష్‌ కుమార్‌ తెలిపారు. ఆదివారం స్థానిక కాంగ్రెస్‌ కార్యాలయంలో మొక్కలు నాటే కార్యక్రమాన్ని చేపట్టారు. ఈ సందర్భంగా రమేష్‌ కుమార్‌ మాట్లాడుతూ.. పచ్చదనం పెంపొందించడం ద్వారా వాతావరణంలో కాలుష్యాన్ని తగ్గించి మానవళి మనుగడకు, సమాజ శ్రేయస్సు కొరకు ప్రతి ఒక్కరూ కృషి చేయాలని అన్నారు. ప్రకృతిని కాపాడుకోవాల్సిన బాధ్యత మనందరిపైన ఉందన్నారు. ఈ కార్యక్రమంలో విజయనగరం పట్టణ అధ్యక్షులు సతీష్‌ కుమార్‌, పార్టీ సీనియర్‌ నాయుకులు ఎ.కరీమ్‌, జిల్లా యువజన కాంగ్రెస్‌ అధ్యక్షులు పూడి శ్రీనివాసరావు, రాష్ట్ర మైనారిటీ వైస్‌ చైర్మన్‌ షరీఫ్‌, బొబ్బిలి కో అర్డినేషన్‌ సభ్యులు ముగడ.వెంకట రమణ, మువ్వల శ్రీనివాసరావు శృంగవరపుకోట మండల పార్టీ అధ్యక్షులు గడి బంగారునాయుడు, జిల్లా ఆదివాసి అధ్యక్షులు చీమల అచ్చిబాబు , తెలుగు సూరిబాబు, చిలకరాజు, సూరిబాబు పార్టీ కార్యకర్తలు పాల్గొన్నారు.
