పైపైకి ద్రవ్యోల్బణాల దాడులు
ఇంటింటా అధికధరల మంటలు
భగభగమంటున్న చమురు ధరలు
పేదల జేబులకే బడా చిల్లులు
లోక ఆర్థికవ్యవస్థలకే పెను సవాళ్లు !
నింగినంటిన నిత్యావసరాల ధరలు
చేదెక్కుతున్న తీపి తినుబండారాలు
చుక్కల్లో కూర్చున్న కూరగాయల రేట్లు
ఆహార కొరతతో జన హాహాకారాలు
బడుగుల బతుకులే బహు భారాలు !
బంగారం, వెండి ధరల భగభగలు
డాలర్‌కే జడిసి కుంచిస్తున్న రూపాయి
గోరుచుట్టుపై రోకలిపోటు తీరులు
కరోనా పీడకలల భీకర అనుభవాలు
ధరాగ్నికి ఆజ్యం పోస్తున్న యుద్ధాలు !
రోడ్డెక్కి గొంతు పెకిలిన ప్రజాందోళనలు
'ఉచితా(యిలా)ల'తో సర్కారే దివాలాలు
నిరుద్యోగమే శాపమైన అకాలాలు
అతలాకుతలమవుతున్న దేశాలు
అగ్రరాజ్యాల్ని వదలని ధరాఘాతాలు !
శ్రీలంక కేకలే దేశాలకు హెచ్చరికలు
వేయాలి ధరలకు కఠిన బ్రేకులు
దివి నుంచి దించాలి భువికి ధరలు
చమురు ధరలకు పడాలి బ్రేకులు
గృహాలు కావాలి ఆరోగ్య కోవెలలు !
- మధుపాళీ
99497 00037
