ప్రగతి బాట

గతి తప్పుతున్న జీవితాలకు
ప్రగతి బాట చూపించేదెవరు..?
మతి తప్పిన అధిపతుల వికృత చేష్టలకు,
అతి సామాన్య జనజీవనం అధోగతి..!
జగతిలో జగదేకవీరుల్లా వెలుగొందడానికి
అమాయకపు జనాల నెత్తిన
టోపీ పెడుతున్న అమాత్యులెందరో..!?
నీతి మాటున అవినీతి మాటువేసి
అందలాల కోసం, ఐశ్వర్యం కోసం
ఈ జీవిత చదరంగంలో
ఆటను రక్తికట్టిస్తున్న నటులెందరో..!?
కీర్తి కాంక్షకై పదవుల ఆకాంక్షకై
అబద్ధాలతోడుగా అందలమెక్కి
అభివృద్ధి పేర అవినీతిని కూడగట్టుకుంటున్న
రాజకీయ నేతలెందరో..!?
సంస్కారం నేర్పని చదువు చదివి
సూటు బూటులో హైక్లాస్‌ అవినీతిని
అంటి పెట్టుకొని ఉండేవారు ఇంకెందరో..!
ఒక చైతన్యం, ఒక ఆశయం
నివురు కప్పిన నిప్పులా చెలరేగుతుంది
అవినీతిని అంతం చేయాలని
కంకణం కట్టిన పులిలా విజృంభిస్తుంది
ప్రజల కోసం ఎలుగెత్తి చాటిన
ప్రజారాజ్యమై పోరాడుతుంది..

ఎన్‌.లహరి, హైదరాబాద్‌
9885535506