తెలంగాణలో బిజెపి ప్రభుత్వం ఏర్పడితే కాబోయే సిఎం ఒబిసి కేటగిరీ వారేనని ప్రధాని మోడీ, కేంద్రహౌం మంత్రి అమిత్‌ షా అన్నారు. బీహార్‌, ఛత్తీస్‌గఢ్‌లలో ఒబిసి సమస్యపై కూడా వారిద్దరూ మాట్లాడుతున్నారు. ఈ ప్రకటనలను పరిశీలిస్తే, 2024లో బిజెపికి వ్యతిరేకంగా ప్రతిపక్షాల అత్యంత శక్తివంతమైన ఆయుధాన్ని ఎదుర్కోవడానికి రూపొందించిన ప్రచారంలో భాగంగానే ప్రధాని మోడీ, అమిత్‌ షా చేస్తున్న ఈ వ్యాఖ్యలు బలాన్ని చేకూరుస్తున్నాయి.
కులగణనను అడ్డుకోవాలంటే.. త్వరలో ఒబిసి సర్వేను బిజెపి ప్రకటించవచ్చనే సంకేతాలొస్తున్నాయి.
న్యూఢిల్లీ : ఐదు రాష్ట్రాల ఎన్నికల మధ్య విపక్షాల ఒబిసి పందాలపై బిజెపి అలర్ట్‌ అయిందా? కుల గణన అంశంపై విపక్షాల ప్రశ్నలపై బిజెపి మౌనం వహించడం గానీ, ప్రశ్నలు తప్పించుకోవడం గానీ కనిపించడం లేదు. లోక్‌సభ ఎన్నికల్లో బీజేపీని కార్నర్‌ చేసేందుకు కాంగ్రెస్‌, ఇతర విపక్షాలు సిద్ధమవుతున్న విషయంపై ఇప్పుడు బిజెపి ఎదురుదాడికి సిద్ధమైనట్టు లీకులిస్తోంది.. బీహార్‌, ఛత్తీస్‌గఢ్‌, తెలంగాణ రాష్ట్రాల్లో కేంద్ర హౌంమంత్రి అమిత్‌ షా చేసిన ప్రకటనలను బట్టి దీని వెనుక దాగిన నిగూడార్థం ఇదే. ఇటీవల ఢిల్లీలో బీజేపీకి చెందిన ఒబిసి నేతల భారీ సమావేశం జరిగింది. కేంద్ర హౌంమంత్రి అమిత్‌ షా ఇటీవల బీహార్‌ పర్యటనలో నితీశ్‌ ప్రభుత్వంపై విరుచుకుపడ్డారు. కులాలవారీ సర్వే నిర్ణయం తీసుకున్నప్పుడు తాను బీజేపీతో కలిసి ప్రభుత్వంలో ఉన్నానని చెప్పారు. దీంతో పాటు ఇటీవల నవంబర్‌ 1న జరిగిన బిజెపి కేంద్ర ఎన్నికల కమిటీ సమావేశంలో ఒబిసి సర్వేపై కీలక నిర్ణయం తీసుకున్నారు.
త్వరలో ఓబీసీకి సంబంధించి పెద్ద ప్రకటన వెలువడే అవకాశం ఉంది
హిందూస్థాన్‌ టైమ్స్‌లోని ఒక నివేదిక ప్రకారం, నవంబర్‌ 1న ఢిల్లీలో బిజెపి సెంట్రల్‌ ఎలక్షన్‌ కమిటీ సమావేశం జరిగింది, ఇందులో ప్రధాని నరేంద్ర మోడీ, హౌం మంత్రి అమిత్‌ షా , పార్టీ అధ్యక్షుడు జేపీ నడ్డా కూడా పాల్గొన్నారు. త్వరలో ఒబిసి సర్వేను భాజపా ప్రకటించాలని ఈ సమావేశంలో నిర్ణయించినట్టు సమాచారం. హిందువుల ఓట్లను విభజించాలనే ఏకైక ఉద్దేశంతో కాంగ్రెస్‌ కుల గణన వాగ్దానాన్ని పునరావృతం చేస్తుందని బిజెపి నేత ఒకరు చెప్పారు. ఒబిసి సర్వేను ప్రకటించడం ద్వారా ఆ వ్యూహాన్ని మట్టుబెట్టాం. మనం వ్యతిరేకించడం కనిపించినప్పుడే దాన్ని సమస్యగా మారుస్తారు. మనమందరం అంగీకరించి సర్వే హామీ ఇస్తే హిందూ ఓట్ల విభజన ఉండదు.
బిజెపి ఈ ప్రకటన వెనుక అర్థమేంటి ?
వెనుకబడిన కులాలు, దళితులు 70% కంటే ఎక్కువ ఉన్న తెలంగాణలో, తాము గెలిస్తే తమ ముఖ్యమంత్రి ఒబిసి అని బిజెపి ఇప్పటికే ప్రకటించింది. కేంద్రమంత్రి, రాష్ట్ర ఇన్‌చార్జి కిషన్‌రెడ్డి మాట్లాడుతూ సిఎం హామీతో తమ పార్టీ ఇప్పటికే దృఢ సంకల్పాన్ని చూపిందని అన్నారు.
