నేను!

నేనెవరంటే... చెప్పేందుకు..
ఏమీ లేదు.. ఎదుటి వారు
తెలుసుకోవాలని శోధిస్తే!
అనంతమైన.. సద్గుణాల నిధినే... నేను..

దేశ చరిత్రను ఓటు.. అనే ఆయుధంతో
మార్చగల సగటు ప్రజానీకంలో ఒకరిని
మతం లేదు.. కులం లేదు..
మనమంతా ఒక్కటే
అనే నినాదాలన్నీ నాలోనే..
దాచుకున్న.. సెక్యులర్‌ వాదిని..

నా చుట్టూ నా వారే..
నాకోసం వారు కాదు.
వారికోసమే నేను అనేలా
జీవించాలనేదే ..నా కోరిక...
నాలా నేనే !ఎప్పటికీ.. ఇతరులు కోసం
నాలోని నేను కనుమరుగు కాలేను.. ఎన్నటికీ..

దశాబ్దాల క్రితం రాసిన
రాజ్యాంగాన్ని గౌరవిస్తూ
నిత్యం స్వేచ్ఛా స్వాతంత్య్రాల కోసం
పరితపించే శాంతి కాముకుణ్ణి.

నవ సమాజం కోసం ప్రతిక్షణం
ఆశగా ప్రణాళికలు రచించుకునే
భారతీయుడిని.
తలసరి ఆదాయం లేకున్నా
తలెత్తుకు తిరిగే మానవత్వం ఉన్న మనిషిని.

రాము కోలా
9849001201