మెరిసే మెరుపులా వస్తాను
నా కలంతో..
కర్షకుల కన్నీరు కడతేర్చ!
మేఘమై ఉరుముతూ వస్తాను
నా కలంతో..
అవినీతిని అంతమొందించ !
పిడుగులా ఊడిపడతాను
నా కలంతో..
పేదరికపు మూలాల్ని
సవాలు చేస్తూ !
ఉప్పెనలా విరుచుకు పడతాను
నా కలంతో..
ప్రజల్లో చైతన్యం దిశగా
ప్రశ్నలు సంధిస్తూ!
సుడిగాలిలా వస్తాను
నా కలంతో..
వ్యవస్థలోని సమస్యలు
సుడులు తిరిగేలా!
వరదలా వస్తాను
నా కలంతో..
వర్షంలో కుస్తీ చేస్తూ!
తుపానులా వస్తాను
నాకలంతో..
ఉదయించే సూర్యుడ్ని సైతం
విస్మరిస్తూ ప్రభంజనం సృష్టిస్తాను!
ప్రజల గుండెల్లో అలజడి రేపుతూ
ముందడుగు వేసేలా
నేను సైతం విశ్వశాంతికి
కలాన్నై కదలి వస్తాను..!
నేను సైతం సమాజానికి
సదువునిచ్చే 'కలము'
నొక్కటి బహుమతిస్తాను..!
(మహాకవి శ్రీ శ్రీ గారి రచనల స్ఫూర్తితో)
న్యాలకంటి నారాయణ
955083349
