వెలుగు కావాలి

అజ్ఞాన అంథకారాన్ని
తొలిగించడంలో నీవే
ఒక వెలుగు కావాలి
అవినీతి అరాచకాలను
అరికట్టడములో నీవే
ఒక ఆయుధం (సాధనం) కావాలి
చరిత్ర నిర్మాణములో నీవే
ఒక శక్తివి కావాలి
నీవే సామాజిక మార్పుకు అగ్రేసరుడివి కావాలి
శాస్త్ర సాంకేతిక మార్పులకు
నీవే ఒక మలుపు కావాలి
నీవే ఆనందానికి అడ్రస్‌ కావాలి
ఆత్మీయతకు అనురాగాలకు
నీవే వేదిక కావాలి
నీవే స్నేహ దీపం కావాలి
స్నేహ దీపం వెలుగులో
ఇతరుల జీవితాల్లో
భరోసా భద్రతకు చోటివ్వాలి
అజ్ఞానాన్ని తొలగించి
విజ్ఞాన విపంచివై
వివేచన, విశ్లేషణ, వివేకానికి
నీ ఆలోచనలు పునాదులు కావాలి
జ్ఞాన విజ్ఞాన ప్రదాతవై
సమాజ సమరతకై
సమరంచేసే నిత్య చైతన్యశక్తివై
నీవు నిలవాలి
నవతకు భవితకు నూతన
బాటలు వెయ్యాలి
 

- నేదునూరి కనకయ్య
94402 45771