హన్సిక చేస్తున్న తాజా చిత్రం 'మై నేమ్‌ ఈజ్‌ శృతి'. శ్రీనివాస్‌ ఓంకార్‌ ఈ చిత్రానికి దర్శకత్వం వహిస్తున్నారు. వైష్ణవి ఆర్ట్స్‌ పతాకంపై బురుగు రమ్య ప్రభాకర్‌ నిర్మిస్తున్నారు. నవంబర్‌ 17న ఈ సినిమా ప్రేక్షకుల ముందుకు రాబోతోన్న సందర్భంగా శనివారం ట్రైలర్‌ లాంచ్‌ చేశారు. ఈ ట్రైలర్‌ రిలీజ్‌ చేసిన అనంతరం హన్సిక మాట్లాడుతూ..'ఇదొక గ్రేట్‌ సబ్జెక్ట్‌ థ్రిల్లర్‌, నా మనసుకు ఎంతో దగ్గరైన కథ. డైరెక్టర్‌ చాలా హార్డ్‌ వర్క్‌ చేశారు. వైష్ణవి ఆర్ట్స్‌ సంస్థ ఎక్కడా కాంప్రమైజ్‌ అవ్వకుండా ఈ చిత్రాన్ని నిర్మించారు. ప్రభాకర్‌ ఎంతో నిజాయితీగా ఈ చిత్రాన్ని రూపొందించారు. తెలుగు ప్రేక్షకులు ఈ సినిమాతో మరోసారి నన్ను ఆదరిస్తారని కోరుకుంటున్నాన'ని అన్నారు. మురళీశర్మ, ఆర్‌ నారేయనన్‌, జయప్రకాష్‌, వినోదిని, సాయితేజ, పూజా రామచంద్రన్‌, రాజీవ్‌ కనకాల ఈ సినిమాలో ఇతర కీలక పాత్రల్లో నటించారు.
