మువ్వన్నెల జెండా

నిండా..! మువ్వన్నెల జాతీయ జెండా
భారతీయుల హృదయాల నిండా
బ్రిటీష్‌ సామ్రాజ్యాన్ని కూలగొట్టిన
త్యాగధనుల మువ్వన్నెల జెండా

పింగళి వెంకయ్య అందించిన
మువ్వన్నెల జెండా నిండా
అశోకుని ధర్మచక్రం ప్రబోధించే
మన జాతీయ పతాకం నిండా..

బాబూజీ నవ్వుల రెపరెపలు
అహింస సిద్ధాంతాన్ని ప్రబోధించిన
మేలుకొలిపిన మన జాతీయ జెండా

సాయిధ పోరాటపటిమ
అగ్గి పిడుగు అల్లూరి
మన జాతీయ జెండా నిండా

నేతాజీ సుభాష్‌ చంద్రబోస్‌
తిరగబడి గెలిచిన తీరు
మన జాతీయ జెండా నిండా

ఝాన్సీ వీరత్వాన్ని చాటే
పౌరుషాల జాతీయ జెండా
వివేకానందుడి సద్గుణాలను
అందించే జాతీయ జెండా

భారతీయుల త్యాగధనుల తెగువ
ఢిల్లీ ఎర్రకోటపై కాంతులిచ్చే జెండా
విశ్వ ఖ్యాతికి ప్రతీక
మన జాతీయ జెండా..!

కొలిపాక శ్రీనివాస్‌
98665 14972