త్రిస్సూర్‌ (కేరళ) : ప్రముఖ మలయాళ నటుడు, మిమిక్రీ ఆర్టిస్ట్‌ కొల్లం సుధి (39) రోడ్డు ప్రమాదంలో సోమవారం కన్నుమూశారు. కొల్లం ప్రయాణీస్తున్న కారు గూడ్స్‌ కారియర్‌ను ఢకొీనడంతో ఈ ప్రమాదం చోటుచేసుకున్నట్లు కైపమంగళ పోలీసులు వెల్లడించారు. ఈ ఘటనకు సంబంధించిన వివరాల్లోకి వెళితే.. కొల్లం సుధీ తన తోటి నటులైన బిను ఆదిమాలి, ఉల్లాస్‌, మహేష్‌లతో కలిసి కారులో ఓ ప్రదర్శనకు వెళ్లి ఇంటికి తిరిగి వెళ్తుండగా ఈ ప్రమాదం జరిగింది. ఈ ప్రమాదంలో కారు పూర్తిగా ధ్వంసమైంది. కొల్లం సుధిని సమీపంలోని ఆసుపత్రికి తరలించగా.. అతను చికిత్స పొందుతూ.. ఉదయం 4.30 గంటల సమయంలో మృతి చెందినట్లు ఆసుపత్రి వర్గాలు వెల్లడించాయి. ఈ ప్రమాదంలో గాయపడిన మరో ఇద్దరు నటులను మెరుగైన చికిత్స కోసం కొచ్చిలోని ప్రయివేటు ఆసుపత్రికి తరలించినట్లు పోలీసులు తెలిపారు.
కాగా, ప్రముఖ మలయాళ నటుడు జగదీష్‌ని కొల్లామ్‌ సుధీ అనుకరించి బాగా ఫేమస్‌ అయ్యారు. కొల్లామ్‌ మొదటగా స్టార్‌ మ్యాజిక్‌ టీవీ ఛానెల్‌లో ప్రోగ్రామ్స్‌ చేసేవారు. ఈ పోగ్రామ్స్‌ వల్ల కన్నడ ప్రేక్షకులకు మరింత చేరువయ్యారు. టీవీ ఛానెల్‌ కార్యక్రమాల్లోని అతని టాలెంట్‌తో కొన్ని సినిమా ఆఫర్లు వచ్చాయి. అతను 2015లో 'కంఠారి' సినిమాతో సినీ రంగ ప్రవేశం చేశారు. ఆ తర్వాత 'కట్టప్పనయిలే రిత్విక్‌ రోషన్‌' 'కేశు ఈ వీడింతే నాధన్‌', వంటి చిత్రాలే కాకుండా.. మరికొన్ని చిత్రాల్లో కూడా ఆయన నటించి మెప్పించారు.
