ఎందరో స్త్రీ మూర్తులు

చిరు ప్రాణాలకు జీవం
పోసే సృష్టికర్తల
బ్రహ్మను సైతం బొమ్మను చేసి
ఆడించే అమ్మలు
ఈ చీకటి ప్రపంచానికి
వెలుగులు దిద్దే దినకరునిలా
నిరంతరం పురుడు పోసుకుంటున్న
వీర మాతలు ఎందరో !!
మరి ఎందరో స్త్రీమూర్తులు!!

బాధ్యతలు మోస్తూ
బంధాలను బలపరుస్తూ
నిరంతరం ఎదురయ్యే
ఆటు పోటులను ఎదుర్కొంటూ
సాగే ప్రవాహమై ఎగసిపడే కెరటమై
సంసార సాగరంలో సాగిపోతున్న
వీర వనితలు ఎందరో !!
మరి ఎందరో స్త్రీమూర్తులు

విజయమైనా ఓటమిలోనైనా
సంతోషమైనా దుఃఖమైనా
అడుగులు జంకని సివంగిలా
చరిత్రను తిరగరాస్తూ
చరిత్ర పుటల్లో తనదైన
ముద్ర వేసుకొంటున్న
వీర నారీమణులు ఎందరో !!
మరి ఎందరో స్త్రీ మూర్తులు !!

లక్ష్మీ శ్రీనివాస్‌
96766 01192