చిత్ర కథానాయకుడు సత్యంరాజేష్‌
మా ఊరి పొలిమేర-2 సినిమా తప్పకుండా విజయం సాధిస్తుందనే నమ్మకం తనకుందని ఆ చిత్ర కథానాయకుడు సత్యంరాజేష్‌ చెప్పారు.
'మాఊరి పొలిమేర' చిత్రానికి సీక్వెల్‌గా రూపొందుతున్న చిత్రం 'మా ఊరి పొలిమేర 2'.డా.అనిల్‌ విశ్వనాథ్‌. దర్శకుడు. సత్యం రాజేష్‌, కామాక్షి భాస్కర్ల ముఖ్యతారలుగా నటిస్తున్న విషయం తెలిసిందే. శుక్రవారంనాడు ఈ సినిమా విడుదల కానుంది. గురువారంనాడు విలేకరులతో సత్యంరాజేష్‌ మాట్లాడారు. 'పార్ట్‌ 1 చూసిన ఆడియన్స్‌ మా సినిమా కోసం ఎదురుచూస్తున్నారు. మా సినిమాకు ప్రత్యేకమైన ఆడియన్స్‌ ఉన్నారు. మాకు అదే ధైర్యం. మొదటిభాగంలో మాకు వున్న బడ్జెట్‌ పరంగా అంతేవరకే చూపించాం. చాలా తక్కువ వర్కింగ్‌ డేస్‌లో పూర్తిచేశాం. కానీ రెండోభాగం ప్రారంభానికి ముందే దీనిని చాలా ఖర్చుతో అనుకున్న లోకేషన్లలో ఖర్చుకు వెనుకాడకుండా చిత్రీకరణ చేద్దాం అనుకున్నాం . అదే విధంగా రిచ్‌గా, క్వాలిటీ మేకింగ్‌లో చిత్రీకరణ చేశాం' అని వివరించారు.
