ఇంటర్నెట్‌డెస్క్‌ : కోలీవుడ్‌ హీరో అశోక్‌ సెల్వన్‌ వివాహం బుధవారం ఘనంగా జరిగింది. ఈ హీరో తమిళనాడులోని ఓ గుడిలో తాను ప్రేమించిన కీర్తి పాండియన్‌ను పెళ్లి చేసుకున్నారు. వీరి వివాహానికి కొద్దిమంది సన్నిహితులు మాత్రమే హాజరయ్యారు. వీరి వివాహానికి సంబంధించిన ఫొటోలను అశోక్‌ తన ఇన్‌స్టాగ్రామ్‌లో పోస్ట్‌ చేశారు. ప్రస్తుతం ఈ ఫొటోలు వైరల్‌గా మారాయి.
కాగా, అశోక్‌ సెల్వన్‌ విశ్వక్‌సేన్‌ హీరోగా నటించిన 'అశోకవనంలో అర్జున కళ్యాణం' సినిమాలో నటించారు. అలాగే 'నిన్నిలా నిన్నిలా', పిజ్జా 2, భద్రమ్‌ వంటి చిత్రాలతో తెలుగు ప్రేక్షకులకు పరిచయమయ్యారు. తమిళంలో 'ఓ మై కడవులే' సినిమాతో హిట్‌ కొట్టాడు. తాజాగా అశోక్‌ 'బ్లూ స్టార్‌' సినిమాలో నటిస్తున్నాడు. ఈ చిత్రంలో కీర్తిపాండియన్‌, అశోక్‌ హీరోహీరోయిన్లుగా నటిస్తున్నారు. ఈ సినిమా షూటింగ్‌ సమయంలోనే వీరిద్దరూ ప్రేమించుకున్నారు. వీరిద్దరూ ఇలా సడెన్‌గా వివాహం చేసుకోవడంతో సెల్వన్‌ అభిమానులు ఆశ్చర్యపోతున్నారు.
