వైజయంతీ మూవీస్‌ బ్యానర్‌పై ప్రభాస్‌ హీరోగా 'కల్కి 2898 ఎడి' చిత్రం తెరకెక్కుతోంది. నాగ్‌ అశ్విన్‌ దర్శకత్వంలో రాబోతున్న ఈ చిత్రంలో కమల్‌ హాసన్‌ కీలకపాత్రలో నటిస్తున్నారు. మంగళవారం ఆయన పుట్టినరోజు సందర్భంగా చిత్రబృందం ఓ స్పెషల్‌ పోస్టర్‌ విడుదల చేసి కమల్‌హాసన్‌కి పుట్టినరోజు శుభాకాంక్షలు తెలియజేసింది. సైన్స్‌ఫిక్షన్‌, ఇతిహాసాల నేపథ్యంలో వస్తున్న ఈ చిత్రంలో బాలీవుడ్‌ నటుడు అమితాబ్‌ బచ్చన్‌, దీపికా పదుకొనె, దిశా పటాని ప్రధాన పాత్రలు పోషిస్తున్నారు. చలనచిత్ర పరిశ్రమలో 50 ఏళ్ల ప్రస్థానం జరుపుకుంటున్న వైజయంతీ మూవీస్‌ ఈ చిత్రాన్ని ప్రతిష్టాత్మకంగా నిర్మిస్తోంది.
