ఊరేగింపుకి జడిసి

వర్షం పడుతోంది
వాకిట్లో రాజేసిన నిప్పు ఆరిపోయింది
ఇంటిముందు వేసిన టెంట్లు నానిపోయాయి
వర్షం పడుతోంది
కుర్చీలు తడిసిపోయాయి
హితులు సన్నిహితులు పురోహితులువచ్చి
ఆఖరి స్నానం చేయించి
కొత్తబట్టలు తొడిగించి
పూలపాన్పు సిద్ధం చేసారు
వర్షం పడుతోంది
ఎడతెరిపిలేకుండా
మృతుని బంధువులు స్నేహితులు ఊరిజనం
అందరూ ఒక్కసారిగా
షాపుఅరుగుల్లోంచి బాల్కనిల్లోంచి
పక్క సందులోని కాఫి హౌస్లోంచి
గుమిగూడారు
రోడ్డు మీదుగా జైత్రయాత్రకి
జనమంతా జమయ్యారు
ఊరేగింపుకి జడిసి
పగపట్టిన వర్షం క్షణంలో ఆగి
బిగపట్టిన మేఘమై
కనిసం తుంపరకూడ లేక ఇక
డప్పులు మోగుతున్నాయి అదిరేట్టుగా
టపాసులు పేలుతున్నాయి దిక్కులు చేదిరేట్టుగా
 

కోటం చంద్రశేఖర్‌
94920 43348