పసిడిభూమికి జేజేలు...!

(బాల గేయం)

దేవతలలా వరాల ఇచ్చే
అమ్మ-నాన్నకు జేజేలు

అక్షర సైనికుడై
జ్ఞానాన్ని అందించే
గురువులందరికీ జేజేలు

అందరి ఆకలి తీర్చే
అన్నదాతలకు జేజేలు

ఆహార్నిశలు దేశాన్ని కాపాడే
జవానులకు జేజేలు

పరిశోధనలకు పట్టుకొమ్మలైన
మన శాస్త్రజ్ఞులకు జేజేలు

మానవజీవికి ప్రాణం పోసే
వైద్యులందరికీ జేజేలు

నిత్యం యంత్రాలతో కష్టించే
కార్మిక శక్తులకు జేజేలు

వాడవాడలనూ శుభ్రపరిచే
సఫాయి యోధులందరికీ జేజేలు

నిత్యం సమాజ సేవ చేసే
స్ఫూర్తిదాతలకు జేజేలు

ప్రాణకోటికి ఆక్సిజన్‌ ఇచ్చే
ప్రాణవాయువుకు జేజేలు

వెలుగును పంచే
సూర్యచంద్రులకు జేజేలు

ఆకు పచ్చని ఆయుష్షునిచ్చే
పసిడి భూమికి జేజేలు

సమస్త జీవులకు దాహం తీర్చే
వాన చినుకులకు జేజేలు

నింగి నేలను ఏకం చేసి..
భిన్నత్వంలో ఏకత్వాన్ని చాటే
విశ్వమాతకు జేజేలు...!!

సింగిడి శ్రీనివాస్‌
98665 14972