మా ఊరి పొలిమేర-2 ప్రీరిలీజ్‌ వేడుకలో హీరో అడవి శేష్‌
'నా ఫస్ట్‌ సక్సెస్‌ క్షణంకు వర్క్‌ చేసిన టీమ్‌ అంతా ఈ టీమ్‌లో ఉన్నారు. ముఖ్యంగా ఈ చిత్ర దర్శకుడు అనిల్‌ నాకు మంచి స్నేహితుడు. అతని ప్రతిభ నాకు తెలుసు. ఈ రోజు అతను ఓ బ్లాక్‌బస్టర్‌ సినిమా తీసి దానికి సీక్వల్‌ తీయడం ఆనందంగా వుంది. ఇది నా సొంత సినిమా లాంటింది.ఈ చిత్రానికి ఎంతో మంది టాలెంటెడ్‌ పీపుల్‌ వర్క్‌ చేశారు. తప్పకుండా ఈ చిత్ర మంచి విజయం సాధిస్తుందనే నమ్మకం వుంది' అని హీరో అడవి శేషు అన్నారు. 'మాఊరి పొలిమేర' చిత్రానికి సీక్వెల్‌గా రూపొందుతున్న చిత్రం 'మా ఊరి పొలిమేర 2' డాక్టర్‌ అనిల్‌ విశ్వనాథ్‌. దర్శకుడు. సత్యం రాజేష్‌, కామాక్షి భాస్కర్ల, బాలాదిత్య, రాకేందు మౌళి ముఖ్యపాత్రల్లో నటించారు. గౌరికృష్ణ నిర్మాత. ఈనెల మూడో తేదీన చిత్రం ప్రేక్షకుల ముందుకు రానుంది. వంశీ నందిపాటి విడుదల చేస్తున్నారు. ఈ చిత్రం ప్రీరిలీజ్‌ వేడుక హైదరాబాద్‌లో ఘనంగా జరిగింది. అడవి శేష్‌తో పాటు నిర్మాత ఎస్‌కేఎన్‌ ముఖ్య అతిథులుగా పాల్గన్నారు. దర్శకుడు కరుణకుమార్‌తో, ప్రముఖ గాయకుడు పెంచలదాస్‌తో పాటు చిత్రంలో నటించిన నటీనటులు చిత్ర సాంకేతిక నిపుణులు పాల్గన్నారు. ఈ వేదికపై చిత్ర బిగ్‌ టికెట్‌ను అతిథులు అడవి శేష్‌, ఎష్‌కేఎన్‌ ఆవిష్కరించారు.
