కమల్‌హాసన్‌ హీరోగా భారతీయుడు-2 27 ఏళ్ల తరువాత సీక్వెల్‌ రాబోతోంది. శంకర్‌ దర్శకత్వంలో ఈ పాన్‌ ఇండియా సినిమా లైకా ప్రొడక్షన్స్‌, రెడ్‌ జెయింట్‌ సంస్థలు సంయుక్తంగా నిర్మిస్తున్నాయి. కాజల్‌ కథానాయిక. సిద్ధార్థ్‌, రకుల్‌ ప్రీత్‌ సింగ్‌, ఎస్‌.జె.సూర్య తదితరులు కీలక పాత్రలు పోషిస్తున్నారు. ఈ చిత్రం కొత్త షెడ్యూల్‌ ఆంధ్రప్రదేశ్‌లో వచ్చే వారం నుంచి మొదలు కానుందని సమాచారం. ఈ షెడ్యూల్‌లో విజయవాడ, వైజాగ్‌ తదితర ప్రాంతాల్లో కీలక సన్నివేశాలు తెరకెక్కించనున్నారని తెలిసింది. ఈ సినిమా వచ్చే ఏడాది థియేటర్లలోకి రానుంది.
