ఎగురుతోంది చూడు
ఆకాశ వినువీధుల గుండా
మన స్వతంత్ర జాతీయ జెండా
ఐక్యతకు చిహ్నంగా
త్యాగానికి ప్రతీకగా
శాంతికి గుర్తుగా
సహనానికి సూచికగా
ఎగురుతోంది చూడు
భారతీయుల మది నిండా
మన మువ్వన్నెల జెండా
స్వేచ్ఛకు చోటుగా
ప్రేమకు మార్గంగా
ధర్మానికి రక్షణగా
దేశభక్తికి వారధిగా
ఎగురుతోంది చూడు
దేశ సరిహద్దుల గుండా
మన మూడు రంగుల జెండా
కదలండి ముందుకు
స్వతంత్ర వేడుకులకు
భారతావనిని కీర్తిస్తూ
'జైహింద్‌' అని నినదిస్తూ
'వందేమాతరం' పాడేస్తూ
స్వతంత్ర వీరులను స్తుతిస్తూ
పదండి ముందుకు
స్వేచ్ఛా సంబరాలకు
అల్లూరి అడుగులతో
భగత్‌సింగ్‌ పిడుగులతో
ఆజాద్‌ మెరుపులతో
సర్దార్‌ ఉరుములతో
సాగండి ముందుకు
జెండా పండుగకు
గాంధీజీ సిద్ధాంతాలతో
నెహ్రూ ఆచరణలతో
అంబేద్కర్‌ ఆశయాలతో
సుభాష్‌ సంకల్పంతో
ఎగురవేయండి వినువీధిలో
త్రివర్ణ పతాక రెపరెపలను
కయ్యూరు బాలసుబ్రమణ్యం
94417 91239
