ఇంటర్నెట్‌డెస్క్‌ : ప్రముఖ నటి కాజల్‌ అగర్వాల్‌ నటించిన తాజా చిత్రం 'సత్యభామ'. ఈ చిత్రం వచ్చే ఏడాది వేసవిలో విడుదల కానుంది. దీపావళి పండుగ సందర్భంగా చిత్రయూనిట్‌ మూవీ టీజర్‌ని విడుదల చేసింది. ఈ సినిమాలో కాజల్‌ ఏసిపి సత్యభామ పాత్రలో నటిస్తోంది. ఒక అమ్మాయి మర్డర్‌ కేసుని ఇన్వెస్టిగేషన్‌ చేసి నిందితులను ఎలా పట్టుకున్నదన్నదే కథాంశం. టీజర్‌లో కాజల్‌ నటన ఆకట్టుకుంది. హీరోయిన్‌ నయనతార మాదిరిగానే.. కాజల్‌ కూడా యాక్షన్‌ హీరోయిన్‌గా గుర్తింపు తెచ్చుకుంటుందని ఈ టీజర్‌ చూస్తే అర్థమవుతుంది. ఈ చిత్రాన్ని డైరెక్టర్‌ సుమన్‌ చిక్కాల తెరకెక్కిస్తున్నారు. శ్రీచరణ్‌ పాకాల సంగీతం అందిస్తున్నారు.
