జ్ఞానసాగర్‌ ద్వారక దర్శకత్వంలో సుధీర్‌ బాబు చేస్తున్న తాజా చిత్రం 'హరోం హర'. ఎస్‌ఎస్‌సి (శ్రీ సుబ్రహ్మణ్యేశ్వర సినిమాస్‌) బ్యానర్‌పై సుమంత్‌ జి నాయుడు ప్రతిష్టాత్మకంగా నిర్మిస్తున్న ఈ చిత్రం షూటింగ్‌ పూర్తి కావస్తోంది. నవంబర్‌ 22న ఈ చిత్రం నుండి 'పవర్‌ ఆఫ్‌ సుబ్రమణ్యం'ను విడుదల చేస్తున్నట్లు చిత్రబృందం ప్రకటించింది. ఈ సందర్భంగా ఓ పోస్టర్‌ విడుదలచేశారు. చిత్తూరు జిల్లా కుప్పంలో 1989 నాటి నేపథ్యంలో సాగే ఈ కథలో సుధీర్‌ బాబు కుప్పం యాసలో డైలాగులు పలకనున్నారు. ప్రముఖ సాంకేతిక నిపుణులు ఈ చిత్రానికి పని చేస్తున్నారు. అరవింద్‌ విశ్వనాథన్‌ సినిమాటోగ్రఫీ అందిస్తున్నారు. చైతన్‌ భరద్వాజ్‌ సంగీతం అందిస్తున్నారు. తెలుగు, తమిళం, కన్నడ, మలయాళం, హిందీ భాషల్లో ఈ చిత్రం విడుదల కానుంది.
