ప్రశాంత్‌ వర్మ, తేజ సజ్జా కాంబినేషనల్లో వస్తోన్న 'హను-మాన్‌' చిత్రం నుండి ఓ పాటకు సంబంధించిన అప్టేడ్‌ని తాజాగా చిత్రబృందం విడుదలచేసింది. బాలల దినోత్సవం సందర్భంగా ఈ నెల 14న సాయంత్రం 5:04 గంటలకు ఈ పాట విడుదల కానుందని తెలుపుతూ, ఓ పోస్టర్‌ విడుదల చేశారు. ప్రైమ్‌షో ఎంటర్‌టైన్‌మెంట్‌పై కె నిరంజన్‌ రెడ్డి ఈ చిత్రాన్ని నిర్మిస్తున్నారు. అమృత అయ్యర్‌ కథానాయికగా నటిస్తుండగా, వినరు రారు విలన్‌గా, వరలక్ష్మి శరత్‌కుమార్‌ కీలక పాత్రలో కనిపించనున్నారు. గౌరహరి, అనుదీప్‌ దేవ్‌, కృష్ణ సౌరభ్‌ త్రయం సంగీతం అందించారు. శ్రీమతి చైతన్య సమర్పిస్తున్నారు. జనవరి 12, 2024న తెలుగు, హిందీ, మరాఠీ, తమిళం, కన్నడ, మలయాళం, ఇంగ్లీష్‌, స్పానిష్‌, కొరియన్‌, చైనీస్‌, జపనీస్‌తో సహా పలు భారతీయ భాషల్లో ఈ చిత్రం విడుదల కానుంది.
