హైదరాబాద్‌ : హైదరాబాద్‌ ఎల్బీ స్టేడియంలో ఉన్న గద్దర్‌ భౌతికకాయాన్ని సినీనటుడు అలీ సందర్శించి నివాళి అర్పించారు. ఈ సందర్భంగా అలీ మీడియాతో మాట్లాడుతూ ... గద్దర్‌తో తనకు 30 సంవత్సరాల పరిచయం ఉందన్నారు. ఎప్పుడు కలిసినా నవ్వుతూ మాట్లాడే వ్యక్తి గద్దర్‌ అని అన్నారు. పిట్టలదొర సినిమా విడుదల రోజు తన ఇంటికి గద్దర్‌ వచ్చి సినిమా విజయం సాధిస్తుందని చెప్పారని గుర్తు చేసుకున్నారు. ప్రజల కోసం పోరాడిన వ్యక్తి గద్దర్‌ ఇక లేరన్న విషయం తనకు చాలా బాధ కలిగిస్తుందన్నారు. గద్దర్‌ ప్రజల మనసులో ఎప్పుడూ బతికే ఉంటారని అలీ చెప్పారు.
