హైదరాబాద్‌ : ప్రజాగాయకుడు గద్దర్‌ అంతిమయాత్రలో విషాదం చోటుచేసుకుంది. సియాసత్‌ ఉర్దూ పత్రిక మేనేజింగ్‌ ఎడిటర్‌ జహీరుద్దీన్‌ అలీ ఖాన్‌ ఎల్బీ స్టేడియం నుంచి అల్వాల్‌ వరకు జరిగిన గద్దర్‌ అంతిమ యాత్రలో పాల్గొన్నారు. గద్దర్‌ పార్థివదేహాన్ని ఆయన ఇంటి నుంచి మహాబోధి పాఠశాల ఆవరణకు తరలిస్తుండగా ... ఆయన ఇంటి సమీపంలో జహీరుద్దీన్‌ ఛాతీలో నొప్పి వస్తుందంటూ అక్కడే పడిపోయారు. వెంటనే స్పందించిన స్థానికులు, పోలీసులు గద్దర్‌ను ఆస్పత్రికి తరలించారు. అయితే, జహీరుద్దీన్‌ గుండెపోటుతో అప్పటికే మృతి చెందినట్లు వైద్యులు తెలిపారు.
సిఎం కెసిఆర్‌ సంతాపం ...
సియాసత్‌ ఉర్దూ పత్రిక మేనేజింగ్‌ ఎడిటర్‌ జహీరుద్దీన్‌ అలీ ఖాన్‌ మృతి పట్ల సిఎం కెసిఆర్‌ సంతాపం ప్రకటించారు. ఆయన మరణం ఉర్దూ ప్రపంచానికి తీరని లోటని.. కుటుంబసభ్యులకు ప్రగాఢ సానుభూతి తెలిపారు. జహీరుద్దీన్‌ అకాల మరణం దిగ్భ్రాంతికి గురి చేసిందని పిసిసి అధ్యక్షుడు రేవంత్‌ రెడ్డి అన్నారు. జహీరుద్దీన్‌ మఅతి తెలంగాణకు తీరని లోటని సంతాపం వ్యక్తం చేశారు.
