ఎన్నికల సమయం

ఇది ఎన్నికల సమయం
ఎన్నికల కోడి నిద్రలేచి
కూసే సమయం!
నీతి నిజాయితీల
కొస మెరుపులు తళుక్కుమనే
తరుణమిది!
పోటీదారులు
ఓటరు దారులు తెలుసుకొని
గెలుపు బాటలు వేసుకునే
కాలమిది!
ఓటరు ఒకసారి మేలుకొని
ఓటరు కంపార్ట్మెంటులో
కళ్ళు తెరిచే సమయం ఇది!
నమ్మిన నమ్మకం నమ్మకంగా
నమ్మకం కోల్పోతే
నమ్మిన వారిదే దోషమని
నమ్మకం కుమిలిపోయే తరుణమిది!
ఓటు
కావు కావు అంటే ఆశకు పడిపోయే
కాకి నోట్లో రొట్టె కారాదోయీ!
లొటెంగ పెదవులకు ఆశపడితే
ఆకలి తీరనే తీరదోయీ!
ఓటు వేయడం అంటే
ప్రజాస్వామ్యం వెలిసిపోకుండా
ప్రభ వెలిగే వెల్ల వేయడమేనోయీ!
ఫలితాల వేళ
వెలువడిన ఫలితమే కళ!

పి.బక్కారెడ్డి
97053 15250