రవితేజ హీరోగా కార్తిక్‌ ఘట్టమనేని తెరకెక్కిస్తున్న సినిమా 'ఈగల్‌'. భారీ యాక్షన్‌ కథాంశంతో తెరకెక్కిన ఈ సినిమాలో రవితేజ లుక్‌ చాలా డిఫరెంట్‌గా ఉంది. ఇందులో అనుపమ పరమేశ్వరన్‌, కావ్యా థాపర్‌ నటిస్తున్నారు. నవదీప్‌, మధుబాల తదితరులు కీలకపాత్రలు పోషిస్తున్నారు. టి. జి. విశ్వప్రసాద్‌ ఈ చిత్రాన్ని నిర్మిస్తున్నారు. తాజాగా ఈగల్‌ టీజర్‌ను మేకర్స్‌ విడుదల చేశారు. 'కొండలో లావాను కిందకు పిలవకు. ఊరు ఉండదు. నీ ఉనికీ ఉండదు' అంటూ రవితేజ చెప్పిన డైలాగ్‌తో టీజర్‌ ఇంట్రెస్టింగ్‌గా ప్రారంభమైంది. 'అడవిలో ఉంటాడు. నీడై తిరుగుతుంటాడు. కనిపించడు. కానీ వ్యాపించి ఉంటాడు.. వెలుతురు వెళ్లే ప్రతిచోటకు వాడి బుల్లెట్‌ వెళుతుంది' అంటూ రవితేజ క్యారెక్టర్‌ గురించి ఎలివేషన్‌ డైలాగ్స్‌ టీజర్‌లో వినిపించాయి. కార్తిక్‌ ఘట్టమనేనికి ఇది రెండో సినిమా. 2024 జనవరి 13న విడుదల చేస్తున్నట్లు ఈ టీజర్‌లో ప్రకటించారు.
