ప్రజాశక్తి-విజయనగరం టౌన్‌ : బొండాడవీధిలోని శ్రీ మహాగణపతి కామాక్షి సమేత ఏకాంబరేశ్వర స్వామి వారి దేవాలయంలో దసరా నవరాత్రుల మహౌత్సవాలు సందర్భంగా ఆదివారం కలశ స్థాపన చేసి ప్రారంభించారు. పాలకమండలి అధ్యక్షుడు అప్పలబత్తుల సోమరాజు మాట్లాడుతూ.. అక్టోబర్‌ 15వ తేదీ నుండి 24వ తేదీ వరకు దసరా ఉత్సవాలు ఘనంగా నిర్వహించబడునని తెలియజేశారు. ఈ సందర్భంగా ఆలయ ప్రధాన అర్చకులు లక్కోజు ఓంకార ఆచార్య సిద్ధాంతి మాట్లాడుతూ.. నవరాత్రి ఉత్సవాలులో భాగంగా ప్రతిరోజు అమ్మవారికి కుంకుమార్చనలు, విశిష్ట పూజలు, 108 మంది సువాసినిలచే శ్రీ చక్ర కుంకుమార్చన జరుగుతుందన్నారు. అక్టోబర్‌ 20 వతేదీన మహిళ మండలి సభ్యులచే అమ్మవారికి ఊరేగింపుగా ' సారె ' సమర్పించడం జరుగుతుందన్నారు. నవరాత్రులలో వివిధ సాంస్కతిక కార్యక్రమంలు నిర్వహిస్తున్నట్లు చెప్పారు. ఈ కార్యక్రమంలో గౌరవ అధ్యక్షులు నాగమల్లి లోకనాధ గణపతిరావు, గంగాధారాచారి, కాకినాడ వెంకటరమణ, శశిభూషణరావు, వరహాచారి, శ్రీనివాసరావు తదితరులు పాల్గొన్నారు.
