షారుఖ్‌ఖాన్‌ నటిస్తున్న 'డంకీ' చిత్రాన్ని రాజ్‌కుమార్‌ హిరానీ తెరకెక్కిస్తున్నారు. తాప్సీ కథనాయికగా నటిస్తున్నారు. డిసెంబర్‌ 22న ఈ సినిమా విడుదల కానుంది. గురువారం షారుఖ్‌ ఖాన్‌ పుట్టినరోజు సందర్భంగా ఈ మూవీ నుంచి చిత్రబృందం టీజర్‌ విడుదల చేసింది. యునైటెడ్‌ కింగ్‌డమ్‌, కెనడా, యునైటెడ్‌ స్టేట్స్‌ ఆఫ్‌ అమెరికా వంటి దేశాలకు ఇల్లీగల్‌గా వెళ్లాలనుకునేవారు ఎలాంటి కష్టాలని ఫేస్‌ చేశారు అనేదే ఈ సినిమా కథ. అలా ఇండియా నుంచి ఇంగ్లాండ్‌కు చట్టవిరుద్ధంగా వెళ్లే షారుఖ్‌ అండ్‌ అతని గ్యాంగ్‌కు ఎదురయ్యే సమస్యలు ఏంటి అనేది టీజర్‌లో చూపించారు. హార్డీ పాత్రలో షారుఖ్‌ నటిస్తుండగా.. మనుగా తాప్సి నటిస్తున్నారు. ఈ సినిమాను జియో స్టూడియోస్‌, రెడ్‌ చిల్లీస్‌ ఎంటర్‌టైన్‌మెంట్‌, రాజ్‌కుమార్‌ హిరానీ ఫిల్మ్స్‌ బ్యానర్‌లో హిరానీ, గౌరీ ఖాన్‌ సంయుక్తంగా నిర్మిస్తున్నారు. బోమన్‌ ఇరానీ, విక్కీ కౌశల్‌ తదితరులు ప్రధాన పాత్రలు పోషిస్తున్నారు.
